"Офіс за дэмакратычную Беларусь" абвяшчае набор кандыдатаў для адукацыйнага візіту ў Брусель, якi адбудзецца ў лiстападзе 2008 году.

Візіты, акрамя агульнага азнаямлення са структурамі ЭС, ствараюць пэрспэктывы больш глыбокага вывучэньня магчымасьцяў супрацоўніцтва паміж Брусэлем і Беларусьсю ў такіх сфэрах як: ахова навакольнага асяродзьдзя, энэргетыка і энэргазберагальныя тэхналёгіі, навука і адукацыя, транспарт. Гэтая праграма мае на мэце дапамагчы беларускім спэцыялістам узбагаціць свае веды ў той ці іньшай галіне і наладзіць карысныя кантакты з эўрапейскімі калегамі.

Удзельнікі праграмы будуць адбірацца на конкурснай аснове. Перавага будзе аддавацца кандыдатам з адпаведнымі ведамі ва ўзгаданай вышэй вобласці, а таксама з адпаведным працоўным досведам, прадстаўнікам грамадскіх арганізацый і эка-асацыяцый; навукоўцам, экспэртам Міністэрства прыродных рэсурсаў і аховы навакольнага асяродзьдзя.

Веданне ангельскай мовы – не абавязковае!

Заяўкі на ўдзел просім даслаць на электронныя адрасы: info@democraticbelarus.eu, info@lawtrend.org не пазней за 10 кастрычніка 2008 г.